حكاية مازن
ردوا عليه انه لازم
يدور على الاب الاول لأن مفيش اي حاجة تستدعي كسر الشقة قانونيا
الدكتور واجه لحظة قرار
يصدق طفل عنده ٥ سنين و يكسر باب الشقة و يشوف في ايه
ولا هيجيب لنفسه مصيبة
بص ف وش مازن و دموعه اللي لسه مانشفتش
و حاجة غير معروفة جواه حسمت القرار
حاجة مالهاش تفسير و مش موجودة ف اي علم
واحد من الجيران نازل شاف الدكتور واقف قدام باب الشقة و مازن معاه
صباح الخير يا دكتور خير في حاجة
الدكتور حكاله الموقف
الجار قال للدكتور مايخافش و انه هيتحمل اي مسئولية و هو اللي هيكسر الباب بس لازم ينادي مراته تكون موجودة معاهم
الجار طلع و جاب مراته و خبط على كذا شقة ف العمارة عشان يكون اكبر عدد من الجيران موجودين
و
مازن
جري على أوضة النوم
و الجار طلب من مراته تدخل هي الاول عشان تتاكد ان مامت مازن موجوده قبل ما هما يدخلوا
الجارة شافت مامت مازن كويس و نادت عليهم يدخلوا
الدكتور فحص الام و لقى نبضها ضعيف جدا و لاحظ جرح كبير ف جنب راسها
اطلبوا الإسعاف حالا!
اللي حصل كان بسبب والد مازن
ناحية زوجته واللي اتجوزته و اتحملت ظروفه الصعبه يومها و هو راجع من الشغل متأخر
لقى مراته بتجهز العشا
ايه دا قول و بيض و بتنجان
ايوه
وليه مطبختيش
منين بس
يعني ايه منين اتصرفي
ازاي طيب
مش انتي اللي ماسكه ميزانية البيت
ايوه بس الدنيا غلا و الاسعار كل يوم نار
مليش فيه منا طول النهار مربوط بحالي
عشان
انتي و الولد
ماهو ابنك انت كمان
انتي هتردي عليا و لا ايه
انا خلاص تعبت و جبت أخري
انا اللي زهقت منك و من زنك و نكدك ليل و نهار
متبقيش ليه زي الستات الناصحه اللي بتعرف
توفر
و تمشي أمور بيتها
منا بعمل اللي بقدر عليه بس الفلوس مش بتكفي
دي حاجة مش بايدي
خلاص انزلي تشتغلي و ساعدي
ياريت هو انا قولت لا
كل ما بقولك بترفض و تقول مش هسمح لمراتي تنزل الشغل
اعمل ايه منا كمان مش لاقي حل
و بعدها حصلت مشادة بينهم
و بابا مازن اتخانق مع الام قبل ما ينزل الشغل عشان زرار قميص كان واقع من الاسورة و هي نسيت تخيطه
و كعادته ضربها على راسها بس الضربة كانت قوية بزيادة المرة دي
و لما وقعت من طولها مغمى
راح الشغل
مامت مازن جالها ارتشاح ف المخ على راسها
مامت مارن كانت ف غيبوبة عشان حصل تجمع سوائل و نزيف داخلي ف المخ
مامت مازن كانت ممكن تموت لو مازن مكانش راح جاب الدكتور
و مامت مازن كانت خايفة تطلب الطلاق لأسباب كتير
مامت مازن كانت بتستحمل تعب و اهانة بشكل شبه يومي
و مع ذلك عايشة و مكملة حياتها
عشان الفلوس لان معندهاش مصدر دخل
عشان الزوج مايحرمهاش من مازن
و عشان خايفة من مستقبل مجهول
و عشان كل ما تشتكي ل أمها أمها تقولها أقذر رد ممكن يتقال ف الموقف ده
معلش استحملي عشان ابنك
الجيران اصروا ان مامت مازن ترفع قضية ضده
مامت مازن اتطلقت بس اتنازلت
عن القضية عشان ماتدخلش ابو ابنها السجن
و
تمت
