خطبة ابني

من كارم ابني اللي واقف بيبص لها بتحدي واللي قالته وقتها خلى المكان كله في حالة صدمة، وابني من شدة الذهول ساب إيد البنت اللي معاه، وكان هيفقد وعيه من المفاجأة وما بقاش عارف يتنفس ولا يرد!!!!!
بصت له علياء بعينين ثابتة بس كان جواها بركان بيتألم، وراحت قربت منه خطوتين، وابتسامة ثقة هادية اترسمت على وشها وقالت بصوت واثق سمع القاعة كلها
مبروك يا كارم وشكراً جداً إنها جات منك!
كارم وشه اتخطف والتحدي اللي كان في عينيه تحول لذهول، ساب إيد نورهان تلقائياً وهو حاسس إن الأرض بتتسحب من تحت رجليه. المعازيم كلهم اتهامسوا، وأنا وأخويا واقفين مش فاهمين حاجة.
كملت علياء بنفس الثبات وهي بتبص له بمنتهى البرود
أصل أنا كمان بحب واحد تاني جداً، وبابا كان رافضه عشانك، وأنا مكنتش عارفة أعمل إيه ومكنتش حابة أكمل حياتي مع شخص زيك!
كارم اتصدم إنها بتقول كده قدام الناس كلها وتصغّره في الوقت اللي كان فاكر إنه بيكسرها فيه، وقال بعصبية وصوته اترعش من الغيظ
زيي يعني إيه؟! قصدك إيه يا علياء؟!
ردت عليه بابتسامة سخرية ونبرة قوية
يعني مستهتر ودليل استهتارك هو الموقف اللي حاطط فيه أهلك وأهل قرايبك دلوقتي!
وبعدين لفت وشها للناس والمعازيم، وقالت بصوت واضح وثابت
للأسف، أهلي وأهل كارم ظلمونا لما قرروا مصيرنا عننا من غير ما يسألونا بس الحمد لله إن كارم فض الموضوع النهاردة وريحنا كلنا!
في اللحظة دي، أخويا سالم بص لبنته بوجع وحزن دفين، ومسك إيدها وحضنها بحنية شديدة وهنس في أذنها بكلام محبة كان عارف كويس إن بنته بتعشق كارم من صغرها، وإن كل كلمة قالتها دلوقتي كانت عشان تداري كسرتها وترفع الإهانة والكسرة عن وش أبوها قدام القرايب والناس.
وفجأة من وسط المعازيم، اتقدم شاب شيك جداً ولابس بدلة أنيقة، ده محمد ابن جارنا الأستاذ أحمد، جدع ومحترم وكل المنطقة تحلف بأخلاقه. اتقدم بخطوات ثابته وقفل زرار جاكت بدلتو، وقال بصوت جهوري مسموع
أنا كنت جيتلك يا عمي سالم قبل كده ورفضتني عشان الوعد وأتمنى دلوقتي أكون أنا الشخص اللي علياء عايزاه، أتمنى ده من كل قلبي.
علياء بصت له باستغراب ودهشة، فمد إيده ليها وقال بابتسامة رجولية صادقة
لو كان كل اللي حصل ده عشان تبقي من نصيبي يبقى ألف حمد وشكر ليك يا رب.
خطبت ابني لبنت اخويا 2 الجزء الثالث السقوط الحر والدرس الأخيرنورهان جريت برة الشقة وهي بتصرخ وتنفخ في الهواء، وسابت كارم واقف في نص الصالة زي المصدوم اللي أخذ ض ربة على دماغه من مية بيضا. الغرور والق
خطبت ابني لبنت اخويا 2
الجزء الثالث السقوط الحر والدرس الأخيرنورهان جريت برة الشقة وهي بتصرخ وتنفخ في الهواء، وسابت كارم واقف في نص الصالة زي المصدوم اللي أخذ ض. ربة على دماغه من مية بيضا. الغرور والقوة الوهمية اللي دخل بيه الشقة طاروا في ثواني، ورجعت خيبته تكسر راسه قدام كل العيلة والمعازيم.
كارم فعلاً كان هيقع على الأرض، وجري عليه اتنين من ولاد عمومته وسندوه، وقعدوه على الكرسي بالعافية، وكان بيبص حواليه ب عيون زايغة وتائهة، مش مجمع هو في حلم ولا في كابوس. أنا كنت واقف مكاني، حاسس ب وجع الدنيا كله في صدري.
بصيت لأخويا سالم اللي كان واقف، ودموعه كانت ناشفة في عينيه من كتر القهر والإهانة اللي شافها في بنته. قربت منه بخطوات تتقل ب رصاص، نزلت على ركبي قدامه، ومسكت إيده وبصيت له بقلب منكسر وقلت بصوت متهدج ومبحوح حقك عليا يا اخويا..
أنا ربيت وطلعت راجل، بس للأسف خسرت، وابني طلع قليل الأصل، داس على وعدنا وعلى دمنا وكرامتكم! سامحني.. أنا اللي جيبته وقلة أدبه دي في رقبتي. سالم ما نطقش بكلمة في الأول. بس بص لي، وبص لبنته علياء اللي كانت واقفة شامخة وراسها مرفوعة، وبعدين مد إيده بحنان، وقام مسك كتافي وقعدني، وقال بصوت حكيم ونابع من قلب موجوع قوم يا محمود.
. ما تطاطيش راسك. العيب مش عليك، العيب على اللي ما تعلمش الأصول. وابنك اختار طريقه بنفسه، وربنا هو اللي بينتقم للقلوب المكسورة. علياء قربت من أبوها، وح. ضنته بكل قوتها وباسَت راسه وقالت بصوت قوي وواثق اطمن يا بابا..
راسك فوق دايماً، وأنا ولا زعلانة ولا مكسورة، دي عاصفة وربنا نجانّي منها على خير قبل ما أتكتف مع واحد ما يستاهلش دمعة واحدة من عيني. الناس المعازيم والمعارف ابتديت تفهم الموقف وتتكلم بصوت واطي، وكلهم بقوا يدعوا على كارم بالخيبة، ويلعنوا بجاحته وقليلة أصله، ويباركوا لعلياء على عقلها وثباتها اللي أنقذها من عيشة سودة مع واحد زيه.
وفي اللحظة دي، كارم قدر يجمع أنفاسه بالعافية، وقام واقف على رجليه، ووجه كلامه ليا ولعمه، وكان صوته بيترعش من قهر الشماتة والانكسار أنتوا أنتوا فاكرين إني ندمان؟! أنا ماشي.. ومش هقعد في مكان فيه تحكمات وجبر!
أنا هعيش حياتي لوحدي!قبل ما يكمل كلامه، صرخت فيه بكل عزمي وعصبيتي اللي ما قدرتش أسيطر عليها برّاااا! اطلع برة بيتي وبرا حياتنا كلنا! ومن اللحظة دي، أنت لا ابني ولا أعرفك، واعتبر نفسك برة ورثي وحياتي زي ما بعت أصلك وعيلتك!
كارم بلع ريقه، وبص حواليه لقى الكل بيبصله باحتقار وقرف، ف